Törkiyä belän Ärmänstan arasında oçışlar başlandı

Törkiyä belän Ärmänstan arasındağı mönäsäbätlärneñ cayğa salınuı qısalarında ozaq waqıttan soñ berençe İstanbul-Yerivan oçqıç säfäre yasaldı. Ul kiçä kiçke säğat’ 11 tulıp 35 minutta İstanbulnıñ Sabiha Gökçän aêroportınnan kütärelde. Yaqınça 2 säğat’lek oçıştan soñ Pegasus hawa yulları şirkäteneñ oçqıçı Yerivandağı Zvartnoś xalıqara aêroportına töşep utırdı.

Azärbaycan armiyäseneñ 2020nçe yılda Qarabaxnı qotqaruınnan soñ Törkiyä Ärmänstanğa mönäsäbätlärne cayğa salu täq’dime yasadı. Qarşı yaqtan da uñay cawap kilgäç prośessnı däwam itü öçen ike däwlät tä ber-bersenä wäkil bilgeläde. Alarnıñ 14nçe ğıynvarda Rusiyä başqalası Mäskäwdä uzğan söyläşüendä Törkiyä belän Ärmänstan arasında 2020nçe yılda tuqtatılğan oçışlarnı qabat torğızırğa qarar qılındı.