“Tınıçlıq öçen aradaşçı bulırbız”

 Törkiyä ilbaşı Räcäp Tayyip Ärdoğan İstanbulda yasağan çığışında könüzäk möhim mäs’älälärgä tuqtaldı.

Ul Rusiya  - Ukraina krizisına qağılışlı, “Tınıçlıq öçen aradaşçı bulırbız” dide.

İlbaşı Ärdoğan: “Basıp alu belän bäyle nindi dä bulsa täräqqıyät’, yäisä suğış çığu töbäk tınıçlığına zur zıyan kiteräçäk. Bu töbäkkä tınıçsızlıq, kiyerenkelek alıp kiläçäk. 40 millionğa yaqın xalqı bulğan Ukraina belän Rusiya arasında  borcu-xäwef tuuın Törkiyä qabul itä almıy.  

Törkiyäneň Rusiya belän mönäsäbätläre bik yaxşı. Törkiyä - Rusiya mönäsäbätläre säyäsi, xärbi, mädäni nigezdä üseşen däwam itä. Ukraina belän dä mönäsäbätlärebez äybät. Bez bu uňay üzgäreşlärneň Rusiya belän Ukraina arasında tiskäre yaqqa yünälüen qabul itä almıybız.

Bu mäs’älädä bez yärdämgä äzer. Yaqında Ukrainağa barırğa cıyınam. Vladimir Putin belän dä telefonnan söyläşü, bälki Mäskäwgä säfär dä bulırğa mömkin. Bez töbäktä tınıçlıq xökem sörüen telibez. Närsä genä bulmasın, bez monı êşlärgä äzer”,-dide.