Törkiyäneň “Qızılay” yärdäm oyışması Somalida kön sayın qaynar rizıq tarata

 Törkiyäneň “Qızılay” yärdäm oyışması qorılıq belän köräşüçe Somalida kön sayın 3 meň 150 keşene qaynar rizıq belän täêmin itä.

Oyışmanıň Somali wäqalätlese Orxan Kökçü bu aşxanäneň Törkiyä ilbaşı Räcäp Tayyip Ärdoğannıň Somaliğa berençe säfärennän soň açılğanın belderde.

Kökçü äytüençä, Mogadişoda urnaşqan aşxanädä kön sayın 3 meň 150 keşegä qaynar aş äzerlänä häm alar şähärneň 19 punktına taratıla.

Berençe çiratta yätimnär, öylären taşlap kitkän keşelär häm yärdämgä moxtac keşelärneň rizıq ixtıyacları qanäğät’länderelä.

Orxan Kökçü bilgeläp ütkänçä, Törkiyä “Qızılay”ı Somalida azıq-tölek, su, mäğarif häm toru-sıyınu urınnarı belän täêmin itü kebek yärdäm êşlären başqara häm 2011 nçe yıldan alıp oyışma tarafınnan 10 tonna yärdäm kürsätelgän.  

Başqala Mogadişodağı aşxanä dä 2011 nçe yıldan birle êşli.