Törkiyä: “Bez Qazaqstannıñ totrıqlılığına ähämiyät biräbez”
Törkiyä Qazaqstanda oyıştırılğan protest çaraları belän bäyle bularaq: "Dus Qazaqstannıñ totrıqlılığına ähämiyät biräbez. Telägebez – qardäş qazaq xalqınıñ tınıçlığı häm xozurı”, - dip belderde
1757695
Törkiyä Tışqı êşlär ministrlığı Qazaqstanda bügen irtä belän xökümätneñ wazıyfadan kitüenä säbäp bulğan rizasızlıq çaralarına qarata yazma belderü yasadı.
Belderüdä:
"Qazaqstanda 2022nçe yılnıñ 2nçe-3nçe ğıynwar’ könnärendä başlanğan häm bügen irtä belän xökümätneñ wazıyfadan kitüe belän tögällängän protest çaraların iğ’tibar belän küzätäbez.
Dus Qazaqstannıñ totrıqlılığına ähämiyät biräbez. Telägebez – qardäş qazaq xalqınıñ tınıçlığı häm xozurı. Qazaqstan citäkçelegeneñ bu krizisnı xäl itä alaçağına tulısınça ışanabız. Qazaqstan xalqı aqıllı fiker yörtäçäk häm waqıyğalar tiz arada xäl iteler, dip ömet itäbez.
Waqıyğalarda iminlek köçläre belän bergä barlıq yaralanğan qazaq qardäşlärebezgä aşığıç şifa telibez”, - dip äytelde.
