Çavuşoğlu Liviyadan häm Senegaldän qunaqlarnı qabul itte
Törkiyä Tışqı êşlär ministrı Çavuşoğlu Liviyanıñ Änkara ilçese belän Wäkillär palatası kiñäşçesen häm Senegal êçke êşlär ministrın qabul itte
Törkiyä Tışqı êşlär ministrı Mäwlüt Çavuşoğlu Liviyanıñ Änkarağa yaña bilgelängän ilçe Mustafa Älgelaib häm Liviya Wäkillär palatasınıñ Törkiyä häm Balkan kiñäşçese Abdurrezak Muhtar belän oçraştı.
Çavuşoğlu söyläşü belän bäyle bularaq “Twitter”dan urtaqlaşqan yazmasında tulı wäqalätle ilçe Älgelaib häm Liviya Wäkillär palatasınıñ Törkiyä häm Balkan kiñäşçese Muhtarnı başqala Änkarada qunaq itülären belderde.
Mäwlüt Çavuşoğlu Senegal êçke êşlär ministrı Antoine Felix Abdoulaye Diome belän dä küreşep söyläşkän ide.
Çavuşoğlu Änkaradağı oçraşu belän bäyle bularaq “Twitter” akkauntınnan urtaqlaşqan yazmasında: "Senegal êçke êşlär ministrı belän terrorçılıq belän köräş häm säwdä êlemtälärebez belän ber rättän ike yaqlı xezmättäşlegebezne qarap çıqtıq”, - dip äytte.
Bäyläneşle xäbärlär
Terrorçılıqqa qarşı köräş däwam itä
Süriyäneñ tön’yağında 3 “PKK/YPG”le terrorçı täêsirsez xälgä kiterelde
