İstanbulda fän ähellärenä büläklär tapşırıldı

Ğıylem cäyelderü premiyäseneñ bıyılğı laureatları İstanbulda Dolmabahçä sarayında uzğan tantanada büläklände.  Çaranı Ğıylem cäyelderü waqıfı uzdıra.

Tantanada Törkiyä ilbaşı Räcäp Tayyip Ärdoğan da qatnaştı. Ul üz çığışında bolay dip söyläde: “Ğıylem cäyelderü premiyäläre çarasınıñ akademik moxittä qızıqsınu uyatuı cämğıyätebez häm waqıfıbıznıñ bu mäydanda nıqlı nigezgä iyä buluın kürsätä. Milli, äxlaqıy, dini, mäğ’näwi häm mädäni qıymmätlärne üz itüçe, saqlawçı, üsterüçe, watanın häm xalqın yaratuçı näsel citeşterü maqsatı belän alıp barıluçı êşçänlekläregezgä ğomerem mömkinlek birgänçä yärdäm itäçäkmen”.

İlbaşı Ärdoğan tantanada “Gran-pri”nı professor Zekai Şänğa tapşırdı. Dośent Xümeyra Özturan isä “Sośial’ fännär” bülägen Törkiyä Böyek Millät Mäclese räise Mostafa Şäntopnıñ qulınnan aldı. “İnjeneriyä, tabiğat’ häm mediśina fännäre” premiyäsenä professor Mostafa Soylak layıq buldı.

Ğıylem cäyelderü waqıfı büläkläre Törkiyädäge akademik êşçänleklärneñ abruyın kütärü belän berrättän balalar häm yäş’lärne fänni kar’yera yasarğa öndi.