Ärmänstan Törkiyägä maxsus wäkil bilgeläyäçäk

Ärmänstan tışqı êşlär ministrlığı süzçese Vaan Unanyan Yerivan citäkçelegeneñ Törkiyä belän mönäsäbätlärneñ cayğa salınuı belän bäyle bularaq maxsus wäkil bilgeläyäçäklären belderde.

Unanyan sośial’ media akkauntınnan yasağan belderüendä Tışqı êşlär ministrı Mäwlüt Çavuşoğlunıñ Ärmänstan mäs’äläsendä maxsus wäkil bilgelänäçäge turındağı açıqlawın bäyäläde.

İleneñ Törkiyä belän mönäsäbätlärne alşartsız normalläşü barışına äzer buluına basım yasawçı Unanyan ärmän yağının dialog başlatu öçen maxsus wäkil bilgeläyäçägen rasladı.

Mäwlüt Çavuşoğlu Törkiyä Böyek Millät Mäclese Ğomum şurasında ministrlıqnıñ 2022nçe yıl byudjetın söyläşü waqıtında Ärmänstan mäs’äläsendä ilçe tügel, maxsus wäkil bilgelänäçägen äytüen xäterlätep: "Azärbaycan da monıñ bik urınlı buluın belderde. Bez här mäs’äläne Azärbaycan belän koordinaśiyälibez, söyläşäbez, alar belän bergä qararğa kiläbez. Ärmänstan şuşı soñğı yäşängännärdän sabaq alıp, tınıçlıqnı, xozurnı saylap alğan oçraqta ilçelek tä açılırğa mömkin. Bu mäs’älädä şulay uq Azärbaycan belän bergä qarar qabul itärbez”, - dip bäyäläw yasağan ide.