Kavkazda xezmättäşlek urnaşırmı?
3+3 söyläşüläre kiçä Mäskäwdä uzdı
Törkiyä Kavkazda xezmättäşlekne üsterüne maqsat itep quyğan 3+3 töbäk konsul’taśiyälärendä qatnaşuçılarnıñ barısınıñ da urtaq mänfäğat’ne çağıldıruçı mäs’älälärgä iğ’tibar itüdä kileşülären citkerde.
Tışqı êşlär ministrlığınnan yasalğan belderüdä äytelgänçä, berençe cıyılış kiçä Rusiyäneñ başqalası Mäskäwdä uzğan. Anda Törkiyäne tışqı êşlär ministrı urınbasarı, ilçe Sedat Önal citäkçelegendäge delegaśiyä wäkillek itä. Cıyılışta tağın Rusiyä, Azärbaycan, Ärmänstan häm İran qatnaşa.
Törkiyä tışqı êşlär ministrlığı yasağan belderüdä mondıy yullar bar: “Tınıçlıq häm totrıqlılıqnı köçäytü maqsatı belän yasalaçaq ışanıçnı arttıruçı adımnar yärdämendä säwdä, iq’tisad, transport, mädäniyät häm gumanitar mäs’älälärgä östenlek birü küzallana. 5 ilneñ wäkilläre êşçänleklärendä sığılmalı format qullanu mäs’äläsendä rizalaştı häm kiläçäktä söyläşülärdä Gruziyäneñ dä qatnaşuın teläde”.
Bäyläneşle xäbärlär
Terrorçılar täêsirsez xälgä kiterelde
Ğıyraqnıñ tön’yağında terrorçılarğa qarata operaśiyälär däwam itä