Çavuşoğlu Azärbaycan wazıyfadaşı belän söyläşte

Azärbaycan tışqı êşlär ministrlığınnan yasalğan belderügä kürä, söyläşü waqıtında (44 könlek suğıştan soñ Azärbaycannıñ Ärmänstanğa qarşı qazanğan Qarabax ciñüen dokumentlaştırğan 2020nçe yılnıñ 10nçı noyabr’ könne Azärbaycan, Rusiyä häm Ärmänstan arasında imzalanğan) öç yaqlı beldergeneñ ütälüe, töbäktäge xäzerge wazğiyät häm töbäk illäreneñ qatnaşuında 3+3 xezmättäşlege platformasınıñ tormışqa aşırıluına qarata fiker almaşıldı.

Belderüdä Çavuşoğlu häm Bayramovnıñ ayıruça İslam xezmättäşlek oyışması tışqı êşlär ministrlarınıñ (ike atnadan soñ) Paqıstanda ütkäreläçäk çirattan tış cıyılışı belän bäyle bularaq söyläşüe citkerelde.

Belderüdä monnan tış Çavuşoğlu häm Bayramovnıñ söyläşü waqıtında här ike ilne qızıqsındırğan mäs’älälärne häm başqa temalarnı quzğatuı äytelde.

Törkiyä Tışqı êşlär ministrı Mäwlüt Çavuşoğlu şulay uq Kot-d’İvuar İslami êşlär yuğarı şurası başlığı Şäyex Ousmanä Diakitä belän oçraştı.

Çavuşoğlu “Twitter” akkauntınnan urtaqlaşqan yazmasında: "İlebezgä kilgän Kot-d’İvuar İslami êşlär yuğarı şurası başlığı Şäyex Ousmanä Diakitä belän küreştek, bilgelängän şuşı möhim wazıyfası belän täbrik ittem”, - dip äytte.