Ärdoğan uqıtuçılarına räxmät äytte

Törkiyä ilbaşı Räcäp Tayyip Ärdoğan 24nçe noyabr’ – Uqıtuçılar köne uñayınnan 81 töbäktän kilgän 81 möğallim belän rezidenśiyäsendä oçraştı. Ul çaqıruğa cawap birüläre öçen barlıq qatnaşuçılarğa räxmäten citkerde.  “81 töbägebezneñ barısınnan kilgän sez qıymmätle uqıtuçılarıbıznı başqalabız Änkarada qunaq itüem öçen min bik şat,”-dide ilbaşı.

Ärdoğan Uqıtuçılar köneneñ barlıq möğallimnärgä, Törkiyägä häm millätkä xäyerle buluın teläde.

“Bu mäğ’näle kön uñayınnan barlıq uqıtuçılarıbızğa üzem, tormış iptäşem häm millätem isemennän räxmätemne belderäm.  Êşen başqarğanda hälaq bulğan, afätlärdä, qazalarda ğomere özelgännärne dä kertep wazıyfasın cirenä citkergän, ilenä häm millätenä xäyerle näsellär citeştergän, bügen layıqlı yalda bulğan möğallimnärebezgä dä fidakyar’lekläre öçen räxmät belderäm, sawlıqlı, xäyerle, bäxetle ğomerlär telim. Üz isemennän dä barlıq uqıtuçılarıma räxmätemne citkeräm, isän buluçılarnıñ härberseneñ qullarınnan übäm. Baqıylıqqa küçkännärenä Allahtan şäfqat’ telim,”-dip söyläde Törkiyä ilbaşı uqıtuçılar belän oçraşuda.