Törkiyä parlamentı başlığı Şäntop: “Atatörekne xörmät belän iskä alabız”

Mostafa Şäntop yullamasında Törkiyä Böyek Millät Mäcleseneñ berençe başlığı, milli köräşneñ särğaskäre, Cömhüriyätkä nigez saluçı Gazıy Mostafa Kemal’ Atatörekne wafat buluınıñ 83 yıllığında xörmät häm räxmät belän iskä aluların belderde.

Gazıy Mostafa Kemal’ Atatörekne añlawnıñ "Anıñ törek milläte belän bergä alıp barğan köräşendäge liderlığın ürnäk itep alıp, Törkiyäneñ milli mänfäğätlären daimi räweştä berençe urında totu, tulı bäysezlek, däräcäle kiläçäk, fänni progress häm üseş mirasın saqlaw” buluın iskärtep uzuçı Şäntop:

"Atatörek millätebezneñ tulı bäysezlek idealın üz şäxesendä gäwdäländergän lider. Ul häm iptäşläre kiläse buınnarğa barı tik watannı amanät itep kenä qaldırmadı, canıbıznı fida itärlek milli ideal’ häm milli iradä qaldırdılar.

Böten dönyada çualışlar bulğan çaqta bügen ilebez tınıçlıq häm xozur êçendä kiläçäkkä taba bara ikän, bu wazğiyät anıñ liderlığında milli köräş qaharmannarınıñ aldıbızğa quyğan maqsat, vizion häm bezneñ monıñ öçen qatğıy köräşebez belän mömkin bula. Härkem şunı yaxşı belsen: millätebez tulı bäysez häm yañadan böyek Törkiyä idealı yulında mäñgelekkä qadär täwäkkällek häm qatğıylıq belän baruın däwam itäçäk”, - dip belderde.