Çavuşoğlu: “Törkiyä Awrupa Berlegennän waz kiçmäde”
Tışqı êşlär ministrı Mäwlüt Çavuşoğlu Törkiyäneñ Awrupa Berlegenä namzät il statusınnan waz kiçmäwenä, waz kiçüçeneñ Awrupa Berlege buluına basım yasadı
Çavuşoğlu Törkiyä Böyek Millät Mäclese plan häm byudjet komissiyasında Tışqı êşlär ministrlığınıñ 2022nçe yıl byudjetın täq’dim itkännän soñ Törkiyäneñ Awrupa Berlege äğ’zalege belän bäyle sorawğa: "Bez Awrupa Berlege kandidat il statusınnan waz kiçmädek. Waz kiçüçe Awrupa Berlege”, - dip cawap birde.
Awrupa Berlege äğ’zalek barışları belän bäyle bularaq Awrupa illärennän misallar kiterüçe Çavuşoğlu Franśiya belän bergä 9 ilneñ kiñäyügä qarşı buluı arqasında Awrupa Berlegeneñ Qarataw (Montenegro), Tön’yaq Makedoniya häm Albaniya kebek illär belän barışlarnı alğa taba alıp barmawın iskärtep uzdı.
Çavuşoğlu: "Bez Awrupa Berlegenä äytäbez: Vizadan azat itü mäs’äläsendä dä bezne çitkä yünältmä. Bez kriteriylärne ütibez. Cıyılışqa da xätta alar äle genä yaqınlaşa başladılar," – dip belderde.
Törkiyäneñ Awrupa Berlegenä äğ’zalek barışının tizlätelüenä qağılışlı teläklärenä qaramastan Awrupa Berlegeneñ barışnı alıp barmawına basım yasawçı Çavuşoğlu: "Bezneñ dä kimçeleklärebez bar, bez dä bar närsädä mökämmäl tügel. Ämma nigä Awrupa Berlegen gäyeplämisez, gel Törkiyä gäyeple”, - dip soraw quydı.