Törkiyä üseşen däwam itäçäk
Ärdoğan Törkiyäneñ citeşterü, êksport, investiśiyä häm mäşğul’lek nigezlärendä üseşen däwam itäçägen citkerde
Törkiyä ilbaşı Räcäp Tayyip Ärdoğan yıl axırına qadär ikeurınlı üseş kürsätkeçlärenä ireşäçäklären belderde. Ul bu xaqta Turkuvaz Media oyıştırğan “Törkiyä-2023” sammitına cibärgän videoyullamasında söyli.
Ärdoğan dön’yanıñ bik awır ütkän 2 yıldan soñ koronavirus belän köräşne tağın da ömetle alıp baruın, sälamätlek saqlaw, transport, mäğarif häm säwdäne dä kertep, bik küp tarmaqta êtaplap ğadäti tormışqa qaytu başlanuın äytte. Ul vakśinalaştıru häm däwalaw ısullarına bäyle bularaq monnan soñğı prośessnıñ bik tiz baraçağına ışanuın belderde. “Tik keşelek kizüneñ sälamätlek belän bäyle mäs’älälären çişkännän soñ pandemiyägä bäyle başqa qıyınlıqlar belän oçraşa,”-di Ärdoğan.
Ul global’ imflyaśiyä, iq’tisadıy torğınlıq, täêminat çeltärlärendä özeklek şikelle problemalarnıñ, bigräk tä, Könbatış däwlätlärendä rasaçılıq, islamofobiya häm ksenofobiyaneñ artuına kiterüen belderde.
“Bu yanawlar qarşında Törkiyä isemennän üz östenleklärebez, maqsatlarıbız häm mänfäğat’lärebez qısalarında säyäsät planlaştırabız häm alıp barabız,”-di ilbaşı. Ul yaña êşxanälär açıluın täêmin itülären, küp şähärlärdä yaña citeşterü ob’yektları safqa bastıruların söyläde.
Ärdoğan Törkiyäneñ citeşterü, êksport, investiśiyä häm mäşğul’lek nigezlärendä üseşen däwam itäçägen citkerde.
