Törkiyä Glasgowda “Yäşel üseş”ne añlata

Cıyılışlarda İlbaşı Räcäp Tayyip Ärdoğannıñ äydäp baruçanlığında başlatılğan "yäşel üseş inqıylabı” belän ber rättän "nol’ qaldıqlar", "klimat üzgäreşläre belän köräş", "klimat üzgäreşläre belän ahäñ", "tübän uglerod êmissiyası" temaları añlatıla.

Moxitnı saqlaw, şähär tözeleşe häm klimat üzgäreşläre ministrı Kurum matbuğatqa birgän mäğ’lümatendä, İlbaşı Ärdoğannıñ 2053nçe yılda çista nol’ êmissiya maqsatın quyuın xäterlätep, bu mäs’älädä citdi adımnar yasawların belderde.

Kurum: "Nol’ qaldıqlar proyektıbız belän 3 million tonna parnik gazın çığarunı totqarladıq. Tüläwle plastik paket çarası belän 14 meñ 640 tonna parnik gazı çığaruın buldırmıy qaldıq. Gaz çığaru êlektron kontrol’ sisteması belän dä parnik gazın çığaruğa qarata çaralarıbıznı küräbez. Xäzergä çaqlı 111 millät baqçasın açtıq, saqlanğan mäydannarıbıznı soñğı ike yılda 9%tan 10,6%qa citkerdek. Bu sannarnıñ arttırıluı öçen dä êşçänlegebez däwam itä”, - dip äytte.

Ministr Kurum, diñgezlärneñ pıçranuın totqarlawların da belderep: "Çista diñgezlärneñ kürsätkeçe bulğan zäñgär bayraqlı plajlarnı bıyıl 519ğa citkerep, dönyada öçençe urınğa kütäreldek”, - dip iskärtep uzdı.

Nol’ êmissiya maqsatın täwäkkällek belän tormışqa aşıraçaqlarına basım yasawçı Kurum: “Velosiped yulın häm yäşel yöreş yullarıbıznı kiñäytäbez, aqıllı şähär ğamälläre häm yäşel şähär vizionı qısalarında ilebezneñ här cirendä ênergiyanı saq totuçı, klimatqa sizger toraq urınnarnı tözibez. Yañartıla alınğan ênergiya çığanaqlarıbıznı ilebezneñ här yağında arttırabız”, - dip belderde.

Törkiyäneñ böten dönyanıñ da êçendä bulğan “yäşel üseş” däwerenä kerüen xäterlätüçe Kurum yäşel üseş inqıylabı qısalarında lider bulğan ilgä äylänü öçen êşläwlären äytte.

Törkiyä 65 keşelek wäkillek belän Glasgowdağı êşçänlegen 12nçe noyabr’gä qadär alıp baraçaq.

Çaralarnı ministrlıqnıñ “Youtube” kanalınnan (https://www.youtube.com/c/cevresehiriklim) turıdan-turı qararğa bula.