Törkiyädä “Könçığış Urta diñgez” künegüläre ütkärelä

Künegülär qısalarında küzätüçelärgä häm matbuğat wäkillärenä Muğlanıñ Marmaris ilçäsendäge Aqsaz diñgez bazasında tuqtalğan “TCG Bayraqtar” desant qorabında brifing oyıştırıldı.

Brifingta podpolkovnik Cünäyt Talayman 1nçe-12nçe noyabr’dä Diñgez köçläre citäkçelege tarafınnan Könçığış Urta diñgezdä başqarılaçaq xärbi künegülärneñ maqsatınıñ küp millätle, urtaq köç belän däwlät, ictimağıy oyışmalarnıñ qatnaşuında humanitar yärdäm, tabiğıy afätlärgä qarşı köräş ısulların ğomumi sśenariygä nigezlänep sınap qaraw buluın äytte.

Talayman künegülärdä 10 ildän 35 köymä häm 5 meñ personal qatnaşuın belderde.

Künegülär qısalarında 2023nçe häm 2028nçe yıllarda NATOnıñ cawap qaytaru köçe êçendä Diñgez komponentı komandası kebek möhim häm xörmätkä layıq wazıyfanı üz östenä aluı planlaştırılğan Törek diñgez wazıyfa köçläreneñ äzerlek torışınıñ küzätelüe dä maqsat itelüenä basım yasawçı Talayman künegülärdä ayıruça Baxreyn, Ğıyraq, Yordaniya, Liviya, Nigeriya, Paqıstan, Oman häm Ukrainadan 11 küzätüçeneñ qatnaşuın añlattı.

Talayman: "Azärbaycannan 1 Boarding (köymägä çığu) törkeme, Paqıstannan 1 fregat häm 1 su astı höcüm komandası, NATO daimi diñgez wazıyfa törkeme-2dän (SNMG-2) 3 fregat häm 1 yağulıq köymäse, NATO daimi minağa qarşı çaralar kürüçe wazıyfa törkeme-2dän (SNMCMG-2) 1 patrul’ qorabı häm 3 mina awçılıq qorabı, NATO berlektäş diñgez citäkçelegennän (MARCOM) 1 wäkil qatnaşa”, - dip äytte.