Milliarder Djeff Bezosnıñ yaxtası Törkiyädä
Ul Törkiyäneñ Muğla töbäge kultıqları buylap säyäxät itä
Amerikanıñ êlektron-säwdä gigantı “Amazon”ğa nigez salğan milliarder Djeff Bezosnıñ lyuks yaxtası Törkiyäneñ Muğla töbäge kultıqları buylap säyäxät itä. 136 metr ozınlığındağı köymä Gökova buxtasındağı Akbük qultığına yaqor’ attı. Anı cirlekneñ bik küp noqtasınnan kürep bula ide.
“Flying Fox" dip ataluçı älege yaxtanıñ östendä ike boralaq töşü urını bar. Köymädä 22 keşelek 11 vip-kayuta urın ala. Şulay uq, biredä basseyn, djakuzi, spa, sport salonı, kinozal häm başqa mömkinleklär qaralğan.
“Flying Fox" - motorlı yaxtalar arasında ozınlığı buyınça 18nçe. Anıñ atnalıq arendası, internet säxifälärdäge mäğ’lümatlarğa qarağanda, 3 million yevro.
Êlekkege cäylärdä älege yaxta Törkiyäneñ Bodrum töbäge, Muğlanıñ turistik rayonnarı Fätxiyä häm Marmaris yarlarında kürelgän ide.
