Törkiyä ilbaşı aş mäclesendä qatnaştı

Törkiyä ilbaşı Räcäp Tayyip Ärdoğan G20 Liderlar sammitı qısalarında İtaliya däwlät başlığı Serdjo Mattarellanıñ liderlar häm xäläl cefetläre xörmätenä oyıştırğan kiçke aş mäclesendä qatnaştı.

İtaliya ilbaşı Mattarella häm qızı Laura Mattarella G20 Liderlar oçraşuında qatnaşqan däwlät häm xökümät başlıqları belän xalıqara oyışma citäkçeläre häm xäläl cefetläre xörmätenä kiçke aş mäclese oyıştırdı.

İlbaşı sarayı Kvirinal’dağı aş mäclesennän alda Mattarella häm qızı belän İtaliya prem’yer-ministrı Mario Dragi häm xäläl cefete Serenella Kapello qunaqlarnı qarşı aldı.

Mattarella häm Dragi, oçraşuda qatnaşqan däwlät häm xökümät başlıqları, xalıqara oyışma citäkçeläre häm xäläl cefetläre belän räsemgä töşte.

Törkiyä ilbaşı Räcäp Tayyip Ärdoğan da aş mäclesendä xäläl cefete Äminä Êrdoğan belän qatnaştı.