“Afrikada millionlağan keşene üterüçelär Törkiyägä keşelek därese birä almıy”

Törkiyä ilbaşı Räcäp Tayyip Ärdoğan İskeşähär säwdä palatasınıň kongress üzägendä “Ğadälät häm qalqınu” partiyäseneň kiňäytelgän cıyılışında çığış yasadı.

Ul üz çığışında 19 yıl êçendä bik küp awırlıqlardan qotıluların häm Törkiyä Cömhüriyäte tözelüneň 100 yıllığı bilgeläp üteläçäk 2023 nçe yıl maqsatlarına  isän - imin ireşäçäklären belderde.

Ärdoğan äytençä, alar Törkiyäne dönyanıň iň zur 10 iqtisadınıň bersenä äwerelderü  maqsatına ireşäçäklär häm monıň öçen tempnı aqrınaytmıyça êşläwne däwam itäçäklär.

İlbaşı bilgeläp ütkänçä, Törkiyä iq’tisadın investiśiya, citeşterü ,êksport häm êş belän täêmin itü yünäleşlärendä kütärü öçen alar ildä dä, çit illärdä dä zur tırışlıq quyalar.

 “Monıň öçen atna başınnan birle 3 ilne üz êçenä alğan Afrikağa 4 könlek säyäxät qıldıq” dide ul.

Ärdoğan: “Bu millätneň ber ulı bularaq, bügenge köndä Afrikanıň här cirendä Törkiyä êşlänmälären, törek şirkätlären kürüem belän ğorurlanam”,-dide.

İlbaşı Törkiyä turında naçar süzlär äytüçelärgä iğ’tibar itmäwlären belderep bolay dide: “Aljirda 1 million keşene üterüçe sez tügelme? Nigeriyädä 1 milion keşene kem üterde? Kem bu? Franśiya. Alar bezgä keşelek därese birä almıy. Alar başta keşelek turında öyränergä tiyeş. Qaydan, kemnän öyränergä? Törkiyädän öyränergä kiräk. Bezne Afrika säyäsätebez öçen tänqit’läwçelärgä bezdän êlek afrikalı qardäşlärebez layıqlı cawap birä”.