Angela Merkel’ Törkiyädä

Germaniya Kanŝlerı Angela Merkel’ Törkiyä ilbaşı Räcäp Tayyip Ärdoğannıñ çaqırulı qunağı bularaq Törkiyägä kilde.

Ärdoğan İstanbuldağı Xuber sarayında Merkel’ belän söyläşü ütkärä.

Êlemtä räislegennän yasalğan açıqlawğa kürä söyläşülärdä Törkiyä häm Germaniya arasındağı ike yaqlı mönäsäbätlär bar yaqlap küzdän kiçereläçäk, xezmättäşlekneñ üsterelüe öçen yasala alınaçaq adımnar qaralaçaq.

Söyläşülärneñ kön tärtibendä ike yaqlı mönäsäbätlär belän ber rättän Törkiyä-Awrupa Berlege mönäsäbätläre, Liviya, Süriyä häm Äfğanstan belän regional’ häm xalıqara mäs’älälär dä bulaçaq.