"Pandemiyäneñ näticäläre kön yaqtısına çığa"

Törkiyä ilbaşı Räcäp Tayyip Ärdoğan koronavirustan soñğı çorda iq’tisadi awırlıqlarnıñ artuı belän bergä ksenofobiya häm islamofobiyanıñ tağın da kiñräk taralaçağın söyläde. Ul Xalıqara demokratlar berlege ğomum räise Köksal Kuş citäkçelegendäge delegaśiyäne İstanbulda Dolmabaxçä ofisında qabul itte.

İlbaşı oçraşuda yasağan çığışında koronavirus kizüenä tuqtaldı häm ğadäti tormışqa qaytu belän bergä pandemiyä säbäpçe bulğan xilaflıqlarnıñ da kön yaqtısına çığa başlawın belderde.  Ärdoğan Angliyädäge benzin stanśiyäläre häm kibetlärdän kürsätelgän videolarnıñ kizüneñ täêminat çılbırında kiterep çığarğan özekleklärdän barı berse buluın äytte. “Waqıt uzğan sayın moña oxşaş problemalarnıñ başqa däwlätlärdä dä barlıqqa kilüe mömkin,”-dide ul.

Ärdoğan näfrät nigezendäge cinayät’lär statistikasınıñ  islamğa häm töreklärgä qarata näfrätneñ zur däräcägä citüen kürsätüen äytte. “Däwlätebez sez watandaşlarıbıznıñ turıdan-turı xozurı, iminlege häm isänlegenä yanawçı bu mäs’äläne küzätep barunı, älbättä, däwam itäçäk,”-dide ul.

Ärdoğan mädäni rasaçılıqnıñ barı töreklärgä genä tügel, Awrupadağı barlıq çit il keşeläre, barlıq möhacirlärgä yoğıntı yasawçı global’ mäs’älä buluın assızıqladı.