Ärdoğan belän Putinnıñ oçraşuı tögällände

Soçi şähärendä Törkiyä ilbaşı Räcäp Tayyip Ärdoğan häm Rusiyä däwlät başlığı Vladimir Putinnıñ söyläşüe tögällände. Alar şähärdäge ilbaşı rezidenśiyäsendä 2 säğat’ 45 minut äñgämä qordı. Oçraşu matbuğat öçen yabıq işeklär artında uzdı.

Annan alda ike lider da matbuğat öçen belderülär yasadı.

Ärdoğan ike il arasındağı mönäsäbätlärneñ bik üzençälekle räweştä üzen kürsätüen, säwdä äyläneşeneñ xäzerge waqıtta şaqtıy yaxşı buluın belderde. “Tağın da yaxşı bulacağına ışanam. Bigräk tä, turizm tarmağında kürsätkän teläktäşlege öçen Putinğa bik zur räxmät belderäm,”-dide ul.

Ärdoğan Rusiyäneñ xezmättäşlege yärdämendä däwam itüçe Märsin Aqqoyı atom-töş stanśiyäse tözeleşe belän bäyle bularaq: “Kiläse yıl berençe bloknıñ açılışın yasıy alaçaqbız,”-dide.

Törkiyä liderı saqlanu sänäğatendä yasalğan xezmättäşlek adımnarın da äytep uzdı.

“Törkiyä-Rusiyä mönäsäbätlärendä här yıl tağın da köçäyep däwam itüebezneñ faydaları bar.  Süriyä belän bäyle adımnarıbız zur ähämiyätkä iyä. Andağı tınıçlıq, şulay uq, Törkiyä belän Rusiyä mönäsäbätlärenä bäyle,”-dide Ärdoğan.

Putin isä bolay dip söyläde: “Ärdoğan belän söyläşülärebez härwaqıtta da problemasız ğına ütmi. Tik mönäsäbätle oyışmalar häm qorılışlarıbız kileşü yulın taba. Törkiyäneñ Rusiyä investiśiyäläre tulayım 1 milliard 500 million dollar, Rusiyäneñ Törkiyägä investiśiyäläre 6 milliard 500 million dollarğa citte. Zur proyektlarnıñ barısı planlaştırılğança däwam itä”.