Çavuşoğlu: "Qarabax tınıçlıq häm üseş belän telgä alınsın ide”
Törkiyä Tışqı êşlär ministrı Mäwlüt Çavuşoğlu Qarabaxnıñ monnan arı totrıqsızlıq häm bäreleştän kübräk tınıçlıq häm üseş aluı belän telgä alınuın teläwlären äytte
Çavuşoğlu häm Azärbaycan tışqı êşlär ministrı Cäyhun Bayramov İstanbulda Törki telle illär xezmättäşlek şurası (Törki kiñäşmä) cıyılışı ütkärelgän İlbaşı idaräseneñ Dolmabahçä êş ofisında urtaq matbuğat oçraşuın oyıştırdı.
Böten xalıqara cämäğätçelek kebek Törki şura äğ’zaläreneñ dä Äfğanstan mäs’äläsendä kötkännäreneñ häm borçılularınıñ oxşaş buluın citkerüçe Çavuşoğlu cıyılışta bu qısada yasala alınaçaq adımnarnıñ bäyälänelüen belderde.
Çavuşoğlu: "Kürşe illär belän bergä tärtipsez migraśiya awırlığın kiçerüçe illär belän teläktäşlek çaqıruın yasadıq. Terrorçılıq belän köräştä başqarıla alınaçaqlarnı qarap çıqtıq. Bu mäs’älälärgä basım yasawçı urtaq beldergene dä qabul ittek”, - dip äytte.
Çavuşoğlu 27nçe sentyabr’neñ Törekmänstan bäysezlegeneñ 30 yıllığı häm Qarabaxnıñ yawdan azat itelüenä alıp barğan Watan suğışınıñ başlanğıç köne bularaq törki dönya öçen mäğ’näle data buluın belderep: "Qarabaxnıñ monnan arı totrıqsızlıq häm bäreleştän kübräk tınıçlıq häm üseş aluı belän telgä alınuın telibez. Töbäk monnan arı cayğa salınu barışına kerergä tiyeş. Monnan arı regional’ xezmättäşlekkä häm mullıqqa qağılışlı yaña forsatlar barlıqqa kilde”, - dip äytte.
Törki şuranıñ Qarabaxta yuğarı däräcäle cıyılışı ütkärelerme, yuqmı digän sorawğa Çavuşoğlu: "Bu cirlär inde azat itelgängä kürä barı tik Törki şura ğına tügel, monnan soñ Azärbaycannıñ bu töbäktä nindi dä bulsa ber şähärendä oyıştıraçaq härtörle cıyılışta qatnaşudan bik şat bulırbız”, - dip cawap birde.
