Ärdoğannıñ N'yu-Yorkta kön tärtibe tığız

Törkiyä ilbaşı Räcäp Tayyip Ärdoğan BMOnıñ 76nçı ğomum şurası utırışlarında qatnaşu öçen kitkän N’yu-Yorkta ikeyaqlı oçraşular da ütkärä.

Ul başta BMOnıñ 75nçe räise bulğan Volkan Bozkırnı häm Angliyä xökümäte räise Boris Djonsonnı qabul itkän ide. İke oçraşu da N’yu-Yorkta yaña açılğan Törek yortı binasında matbuğat öçen yabıq uzdı.

İlbaşı Ärdoğan şunda uq “N’yu-York Tayms”nıñ icadi törkemen dä qabul itte.

Soñraq isä matbuğat öçen yabıq oçraşularda Ärdoğan Ukraina däwlät başlığı Vladimir Zelenskiy, Finlyandiyä ilbaşı Sauli Niinistö, Gruziyä başministrı İrakli Garibaşvili, Gvineya-Bisau ilbaşı Umaro Sissoko Êmbalo, Pol’şa däwlät başlığı Andrey Duba belän ayırım-ayırım söyläşte.

Annan alda Törkiyä liderı Xorvatiya ilbaşı Zoran Milanoviç häm Sloveniya däwlät başlığı Borut Paxor belän küreşkän ide.