Törkiyädä Ciñü bäyräme

30 nçı avgustta Törkiyädä Ciñü bäyrämeneň 99 yıllığı bilgeläp ütelä.

Başqala Änkaradağı tantanalar Anıtqaberdä başlandı.

İlbaşı Räcäp Tayyip Ärdoğan häm başqa xökümät wäkilläre Anıtqabergä kilde.

İlbaşı Atatörek mavzoleyena çäçäklär quydı. Qatnaşuçılar böyek yulbaşçını ber minut tınlıq belän iskä aldı.

Tantanada Törkiyäneň mili gimnı “Bäysezlek marşı” yañğıradı.

Ärdoğan Anıtqaberneñ maxsus däftären imzaladı.Ul anda tübändägelärne yazdı:

”Xörmätle Atatörek,Böyek Ciňüneň 99 yıllığında bez qabat sezneň qarşığızda. Bu tarixi köndä sezne häm şähitlärebezne xörmät belän iskä alam. Törkiyäne sez bilgelägän maqsatlar nigezendä yaqtı kiläçäkkä alıp barabız. Saqlanu sänäğätendä yasağam adımnar belän Törek Qorallı Köçläreneň köç-quäten tağın da arttırabız. Demokratiya, ğadälät, xoquq häm ireklärdä tormışqa aşırğan reformalar yärdämendä il xalqı belän cömhüriyätebez arasındağı bäyläneşne nığıtabız. Törkiyä Cömhüriyäte däwläte ışanıçlı qullarda”.

İstanbulda ,bäyräm qotlawları qısalarnda, Taksim mäydanındağı Cömhüriyät häykäle yanında tantanalı  cıyın ütkärelde.

Qotlawlarnıñ çirattağı adresı  ilbaşı rezidenśiyäse buldı.Ärdoğan biredä Ciñü Bäyräme täbriklären särğaskär bularaq qabul itte.