Törek hawa yulları oçışında bäbi tudı

Törek hawa yullarınıñ oçqıçında Äfğanstan watandaşı Soman Nuri 10 meñ metr biyeklektä bäbäy tudırdı. Bu Dubaydan Angliyäneñ Birmingem şähärenä êvakuaśiyä reysı bula - Äfğanstanda Böyekbritaniyä öçen êşlägän äfğannarnı qotqaru öçen oyıştırılğan säfär.

26 yäş’lek Nuri Kuveyt östennän oçqan waqıtta tudıra.

Awırlı yulçınıñ tulğağı başlanuğa oçqıçta tabib yärdäme sorap anons yasala. Ämma bortta tudıruğa yärdäm itärdäy keşe tabılmıy. Kabina êkipajı mondıy oçraqlar öçen öyrätelgän bula. Bäbine alar qabul itep ala. Sabıynıñ da, äniseneñ dä xäleneñ äybät ikäne belderelde.

Äti keşe Taj Mox Xammat häm änise Soman Nuri 3nçe balaları bulğan qızçıqqa “Hawa” isemen quydı.

Oçqıç kisätü maqsatınnan Kuveytqa töşep utırdı. Kiräkle tikşerenülärdän soñ yaña tuğan sabıy ğailäse belän bergä Brimingemğa yul tottı.