İlbaşı Qara diñgez töbägendäge waqıyğalarnı yaqınnan küzätä

Törkiyä ilbaşı Räcäp Tayyip Ärdoğan su basular bulğan töbäklärdä däwlätneñ barlıq mömkinleklären  mobilizaśiyäläwen äytte.  Ul Bartın, Sinop häm Kastamonu şikelle Qara diñgez regionı cirleklärendä köçle yawım-töşem arqasında başlanğan su basu häm cir ubıludan soñ alıp barıluçı êşçänlekne yaqınnan küzätä.

İlbaşı cämäğat’çelek belän êlemtä ministrlığınnan yasalğan belderügä qarağanda, Ärdoğan su basqan urınnarğa üz kürsätmäse belän cibärelgän êçke êşlär ministrı Söläyman Soylu, tabiğat’ häm şähärçelek ministrı Murat Kurum, transport häm asqorma ministrı Adil Karaismailoğlu belän daimi räweştä söyläşep andağı wäzğıyät’ turında mäğ’lümat ala. Ul älege cirleklärdäge gubernator häm başqa wäqalätlelär belän dä telefonnan söyläşte.

Ärdoğan tabiğıy afättä ğomere özelüçelärgä Allahtan yarlıqaw teläde häm zarar kürüçelärgä teläktäşlegen belderde.

Kastamonu töbägendä su basu waqıtında 6 keşe ülde, Bartında 1 keşene êzläw däwam itä. 3 töbäktä 616 keşe êvakuaśiyälände.