Ärdoğan yanğın urınnarına kitte
Törkiyä ilbaşı töşke säğat’lärdä Atatörek aêroportına kilde häm Antaliyägä yul tottı
1683221
Törkiyä ilbaşı Räcäp Tayyip Ärdoğan urman yanğınnarınnan zarar kürgän cirleklärne centekläp qaraw öçen Antaliyägä kitte. Ul bügen Kaxramanmaraşta berniçä programmada qatnaşırğa tiyeş ide. İlbaşı älege plannarın ğamäldän çığardı.
Ärdoğan töşke säğat’lärdä Atatörek aêroportına kilde häm Antaliyägä yul tottı. Anıñ Manavgat yäş’lär üzägendäge brifing häm yanğın urınnarın qarawdan soñ Marmarisqa baruı kötelä.
İlbaşı Ärdoğan bügen Antaliya, Märsin, Muğla, Adana häm Osmaniyädä urman yanğınnarınnan zarar kürgän cirleklärne Ğomumi tormışqa täêsir itüçe afät mäydannarı dip iğ’lan itte.