İlbaşı Rizedä

Törkiyä ilbaşı Räcäp Tayyip Ärdoğan su basu afäte küzätelgän Rize şähärenä kitte.

Köçle yawım-töşem arqasında Artvin häm Rizene su basqan ide.

Rizeneñ Güneysu rayonında comğa namazınnan soñ xalıqqa möräcäğat’ itkän ilbaşı su basuda 6 watandaşnıñ ğomere özelüen, 5 keşeneñ yaralanuın, yuğalğan 2 keşene tabu öçen zur tırışlıqnıñ quyıluın äytte.

Ärdoğan afättä yaqtı dön’yadan kitüçelärgä Allaxı Täğalädän yarlıqaw, ğailä häm yaqınnarına sabırlıq teläde.

“Su basudan zıyan kürüçelärgä yärdäm kürsätelä başladı. Berençe êtapta Rizedä 15nçe iyul’ könne barlıqqa kilgän su basudan täêsirlänüçelär öçen 550 toraq tözeläçäk. Däwlätebez Rize, Artvin xalqı yanında,” – dide ilbaşı.