İlbaşı Ärdoğannıñ Millätkä möräcäğäte

İlbaşı Ärdoğan 15nçe iyül’ Demokratiya häm milli berdämlek köne mönäsäbäte belän yasağan Millätkä möräcäğätendä: "Bu yözsezlekneñ (15nçe iyül’ tüntäreleş omtılışı) xisabın bez totıp häm bilgeläp alğan böten xiyanätçelärdän soradıq, sorarğa däwam itäçäkbez”, - dip äytte.

Törkiyägä häm törek millätenä yasalğan xıyanätne onıtmayaçaqlarına basım yasawçı Ärdoğan: "Buınnar buyınça millätebezneñ här äğ’zase moñarçı bulmağan xıyanätne xäterlägän sayın bäysezlegebezne häm kiläçägebezne tağın da nığraq saqlayaçaq. Bu tüntäreleş omtılışı tarixıbızdağı urının ğibrät ürnäge bularaq aldı”, - dip äytte.

Böten qıyäfättäge terror oyışmaları aşa tormışqa aşırılğan sśenariylär maqsatınıñ Törkiyäne tezländerü, törek milläten äsir itü, cirlären talaw buluın citkerüçe Ärdoğan terror oyışmaların qullanıp cirlärebezgä yanawçılarnıñ bu yasağannarı belän nigezdä qardäşlekne nığıtuın añlıy almawların belderde.

Ärdoğan: "Kiçä uñışlı bula almadılar, bügen başqara almadılar, irtägä dä inşallah uñışsızlıqqa ireşerlär, böyek häm köçle Törkiyäneñ tözelüenä kirtä bula almayaçaqlar. Rabbım bezgä 15nçe iyül’ kebek xıyanätne yäşätmäsen”, - dip äytte.