"15nçe iyul’ – ğadellek zolımnı ciñgän kön"

Törkiyä ilbaşı Räcäp Tayyip Ärdoğan Törkiyä Böyek Millät Mäclesendä oyıştırılğan 15nçe iyul’ Şähitlären iskä alu çarasında çığış yasadı.

Ärdoğan biredäge çığışında: “15nçe iyul’ – millät, milli iradä, demokratiyağa küñel saluçılarnıñ ciñü köne. 15nçe iyul’ – xaqnıñ xorafatnı, ğadellekneñ zolımnı, bäysezlekneñ naçarlıqnı ciñüe dimäk. Millätebez 15nçe iyul’ könge qarşı toruı belän tüntäreleş kereşüen çigenderde, şulay uq ilebezne alırğa uylağan yawlaw omıtılışın yuqqa çığardı. Yäşe qartı belän bu millät Törkiyäneñ izelmäs buluın bar dön’yağa tağın ber qat isbatladı.

Törek milläte uramda watanın yaqlağanda xalıq ışanıçlıları da Mäclesebez tüşäme astında demokratiya, milli iradäne saqladı. Xalıq ışanıçlılarıbız ğazıy mäclesebez däräcäsenä kileşer räweştä öslärenä ırğıtılğan bombalarğa qaramastan xalıqnıñ amänäten saqladı. Monıñ öçen härkemgä üzem, millätem häm ilem isemennän räxmätemne belderäm.

Tarixqa 15nçe iyul’ tönendä kürsätelgän qalğan qaharmanlıqlar kebek ğazıy mäclesebezneñ tüşäme astındağı bu totış ta altın xäreflär belän yazılaçaq. Törkiyäneñ kiläçäge öçen köräşkän liderlar härwaqıt räxmät belän iskä alınaçaq.”