Törkiyäneñ yärdäm oçqıçı Tunisqa barıp citte

Törkiyä koronavirus kizüe arqasında awır könnär kiçerüçe Tunisqa mediśina yärdäme cibärde. Anı taşuçı Törkiyä qorallı köçläreneñ C-130 yök oçqıçı Kartaca xalıqara aêroportına barıp citte. Yärdäm ilbaşı Räcäp Tayyip Ärdoğannıñ kürsätmäse nigezendä yasaldı.

Tunis däwlät idaräse Törkiyägä koronavirusqa qarşı köräştä teläktäşlek kürsätüe öçen räxmätlären citkerde.

Oçqıçta 50 meñ doza vakśina, 30 yasalma sulış cihazı, 150 urınlı xastaxanä öçen kislorod generatorı, 100 meñ koronavirus testı, 500 meñ xirurg bitlege, 50 meñ steril’ perçatka häm 100 meñ ber qullanılışlı perçatka buluı belderelde. Törkiyäneñ Tunistağı ilçelege yasağan belderüdä mondıy yullar urın ala: “Dus häm qardäş illär bularaq Törkiyä häm Tunis här şartta berdäm. Bu teläktäşlek xezmättäşlegebezneñ häm ike xalıq arasındağı duslıqnıñ nigezendä bar”.