Sälamätlek saqlaw ministrı “Del’ta” mäs’äläsendä kisätte
Törkiyä Sälamätlek saqlaw ministrı Fahrettin Koca ildä yaña tör koronavirusnıñ (“Kovid-19”nıñ) “Del’ta” variantınıñ arta baruına basım yasadı
Sälamätlek saqlaw ministrı Fahrettin Koca, Törkiyädä kürengän yaña tör koronavirusnıñ (“Kovid-19”nıñ) “Del’ta” variantınıñ arta baruına basım yasap: "750gä citte, vilayät sanı da 36 buldı. “Del’ta Plus” 3 vilayättä 3 danä bularaq däwam itä”, - dip äytte.
Ministr Koca kiçä ütkärelgän İlbaşı Kabinet cıyılışınnan soñ sorawlarğa cawap birde.
Törkiyädä vakśinaśiyäläwneñ böten tizlege belän däwam itüen iskärtep uzuçı Koca qayber illärdä kürengän kizüdä dürtençe dulqın belän bäyle bularaq:
"Xäzerge waqıtta mondıy wazğiyät yuq, ämma bulmayaçaq mäğ’näsenä dä turı kilmi. Tığız vakśinaśiyäläw häm kollektiv immunitetnıñ buldırıluı belän genä dürtençe dulqın totqarlana alınır.
Kollektiv immunitet 70%, xätta 80% külämendä täêmin itelgändä kizü betäçäk yäki kimiyäçäk, kim digändä normal’ tormışqa qaytılır”, - dip äytte.
Ministr Koca Rusiyädän xäzergä qadär 400 meñ doza kilgän “Sputnik V” vakśinasınıñ täêmin itelüe belän bäyle bularaq ta: "Bik ozaq waqıt almas. Bäyrämnän soñ däwamınıñ kilüen kötäbez”, - dip äytte.
