Aq Yort Ärdoğan belän Baydennıñ oçraşuına açıqlaw kertte

Törkiyä ilbaşı Räcäp Tayyip Ärdoğan belän AQŞ liderı Djo Baydennıñ oçraşuı yaqınlaşqanda ike yaqtan da yaña belderülär yasalıp tora. Aq Yort süzçese Djen Psaki soñğısında bergä êşli ala torğan mäydannarnıñ da, fiker qarşılıqlarınıñ da buluın äytte.

Djen Psaki Bayden Vaşingtonnan Angliyägä säfär yasağan waqıtta oçqıçta jurnalistlarnıñ sorawlarına cawap birde. Berse AQŞnıñ Ärdoğan belän Bayden oçraşuınnan närsä kötüe belän bäyle ide. Psaki: “Konstruktiv räweştä bergäläşep êşläwneñ ähämiyätle buluına ışanğan ölkälär bar, köçle fiker qarşılıqları kiterep çığarğan mäs’älälär dä,”-dide.

Aq Yort süzçese citkergänçä, Djo Bayden berençe çit il säyäxätendä ilbaşı Ärdoğan belän oçraşuğa ähämiyät birä häm bu nisbättän 14nçe iyün’dä Bel’giyä başqalası Brüssel’dä NATO sammitında küreşü -küzgä-küz söyläşü öçen forsat bulaçaq.

Jurnalistlar :“Süriyägä oxşaş maxsus temalarnı da äytä alasızmı?” - dip soradı. Psaki: “Hiçşiksez, ike lider regional’ iminlek mäs’äläläre, koronavirus häm iq’tisadnı da kertep, cämğıyät’ne qızıqsındırğan problemalar xaqında söyläşäçäk. İkeyaqlı oçraşu yaqınlaşqan sayın tağın da centekläp añlataçaqbız,”-dip cawap birde.