Törkiyä İlbaşı Ärdoğan: “Taksim mäçetebez İstanbulnıñ märtäbäle simvolları arasında üz urının aldı”
İlbaşı Räcäp Tayyip Ärdoğan Taksim mäçeten açu tantanasında yasağan çığışında: “Dön’yada sanawlı proyektlar arasında bulğan Taksim mäçetebez İstanbul simvolları arasındağı märtäbäle urının xäzerdän ük aldı inde”, - dip äytte
İstanbulda 4 yıl êlek nigeze salınğan Taksim mäçete İlbaşı Ärdoğan da qatnaşqan comğa namazı belän ğıybadätkä açıldı.
Namazdan soñ xalıqqa möräcäğät itüçe Ärdoğan: “Berençe comğa namazın uqığan Taksim mäçetebezneñ İstanbulıbız, ilebez häm İslam dönyası öçen xäyerle buluın telim”, - dip äytte.
“Taksim mäçeten bez yañadan ğıybadätkä açqan Ayasofiya cämiğenä birelgän sälam, İstanbulnıñ ciñep alınuınıñ 568 yıllığına büläk itep küräm”, - dip äytüçe Ärdoğan: “Taksim mäçete yaqınça 1,5 ğasırlıq köräştän soñ İstanbulıbızğa qazandırıldı”, - dip belderde.
Nigeze 2017nçe yılnıñ 17nçe fevral’ könne salınğan mäçetneñ kerü urınında, idänendä häm tüşämendä 8 poçmaqlı sälcuqlı motivları yasalğan.
19nçı ğasır Bäyoğlu miğmarisennän ilhamlanıp original’ dizayn belän tözelgän häm härber öleşe iñ neçkä üzençälegenä qadär uylap salınğan mäçettä maşina quyu urını, kürgäzmä zalı, konferenśiya zalı, aş yortı häm sanlı İslam kitapxanäse dä urnaşqan.
İlbaşı Ärdoğan “Twitter” akkauntınnan urtaqlaşqan yazmasında: “Xäyerle comğalar" dip äytep, Taksim mäçeteneñ sürätlären täq’dim itkän ide.
