Törkiyä tağın 90 million doza satıp aldı

Törkiyä Amerikanıñ farmaśevtika şirkäte Pfayzer belän Germaniyä biotexnologiya firması BioNTex yasağan koronavirus vakśinasın tağın 90 million doza satıp aldı. Anıñ 30 millionı mäcbüri tügel.  

Şirkätlärdän yasalğan belderüdä äytelgänçä, Törkiyä monnan alda yasalğan kileşüdä bilgelängän 30 million dozağa östämä 90 million doza vakśina belän täêmin iteläçäk. Tulayım 120 million doza 2021nçe yılda äzer bulaçaq.

Biontexnıñ yuğarı idaräçese häm tözüçese professor Uğur Şaxin maqsatlarınıñ kizügä noqta quyu, xastaxanädä yatuçılar sanın kimetü häm ğadäti tormışqa qaytuğa yärdäm itü öçen dön’yanıñ här noqtasındağı keşelärgä mömkin bulğança kübräk Kovid-19 vakśinası citkerü ikänen äytte.

“Törkiyäneñ watandaşların vakśinalaştıru tırışlıqlarına ähämiyätle öleş kertä aluıbız häm bezgä ışanuları öçen qanäğat’lek xis itäbez,”-dide professor.