İlbaşı Ärdoğan: “Yäş’lär – ilneñ ömete”
İlbaşı Räcäp Tayyip Ärdoğan Törkiyä üskän, köçäygän sayın, regional’ häm global’ liderlıq yulında alğa taba barğan sayın yäş’lärgä tağın da kübräk forsat täq’dim itärgä däwam itäçäklären belderde
Ärdoğan "19nçı may Atatörekne iskä alu, yäş’lär häm sport bäyräme” mönäsäbäte belän yullama yasadı.
İlbaşı idaräseneñ êlemtä räislegennän yasalğan belderügä kürä, 1919nçı yılnıñ 19nçı may köneneñ Ğazıy Mostafa Kemalneñ törek milläteneñ bäysezlek ışanuınnan alğan köç belän Milli köräşne başlatqan tarixi kön buluın belderüçe İlbaşı Ärdoğan:
"İmperialist, kolonial’ yaw köçlärenä qarşı bez alıp barğan köräştä millätebez qaqşamas täwäkkällek belän berlek häm berdämlek êçendä yañadan nıq toru öçen alğı safta. Törek milläte azatlıq köräşe waqıtında hiçber millätkä nasip bulmağan täwäkkällek häm batırlıq belän kükrägen doşmanğa qarşı totıp, watanın, bayrağın saqlap qaldı häm legendar ciñüne yawladı”, - dip belderde.
İlbaşı Ärdoğan yäş’lärneñ dä milli köräştän bügengä çaqlı här çorda kürsätkän qaharmanlıq häm ğayrät belän ilneñ ömete buluın kürsätüenä basım yasadı.
