Yuqqa çığuçı seläwsen töre fotoqapqınğa êläkte
Qaraqolaqnı Törkiyädä urmanğa quyılğan kamera töşerep ala
Yuqqa çığıp baruçı qırğıy mäçe qaraqolaq Törkiyäneñ Muğla töbägendä kürende. Anı ikençe törle dala seläwsene dip tä yörtälär. Xaywannı urmanğa quyılğan fotoqapqın “êläkterä”. Älege kameranı cirle universitetnıñ tabiğat’ne saqlaw texnologiyäläre fakul’tetı belgeçe Yasin İlämin urnaştırğan. Soñınnan ul fotoqapqın töşerep alğan videonı sośial’ mediada urtaqlaşa häm bu zur qızıqsınu uyata.
Yasin İlämin beldergänçä, ul berniçä yıl qaraqolaqlar belän bäyle êşçänlek alıp barğan. Qulına kergän videolar bik yaxşı sıyfatta häm açıq. Belgeç bu xaywannarnıñ awır şartlarda ürçülären citkerde.
“Maşina yullarına belderülär urnaştırılaçaq. Soñınnan qırğıy mäçelär yış ütep yöri torğan noqtalarğa êko-sistema kiçüläre qoru planlaştırıla. Kiläse buınnar tağın da iminlektä bulır dip ışanabız,”-dip söyli Yasin İlämin.