Greśiyä tışqı êşlär ministrı Törkiyägä kilä

Greśiyä tışqı êşlär ministrı Nikos Dendias bügen başqala Änkarağa kilä. Ul Törkiyä tışqı êşlär ministrı Mäwlet Çavuşoğlu belän oçraşırğa niyätli. Alar ike däwlät rasındağı wäzğıyät’ xaqında söyläşäçäk. Şul räweşle liderlar arasında oçraşu öçen dä nigez salınır dip kötelä.

Ministrlarnıñ oçraşuında Könçığış Urta diñgezdäge waqıyğalar häm Êgey mäs’äläse kön üzägendä bulaçaq. Çavuşoğlu Greśiyäneñ migrantlarğa qarata xalıqara xoquqqa qarşı kilüçe mönäsäbätennän tuğan qanäğat’sezlekne dä äytäçäk. Monnan tış, Kipr mäs’äläsen çişü yulları häm monıñ belän bäyle êşçänlek xaqında da süz bulaçaq.

Söyläşülärdäge tağın ber ähämiyätle tema – terrorçılıq belän köräş. Törkiyä Afina idaräseneñ terrorçı oyışmalar FETO häm PKKğa teläktäşlek kürsätüennän qanäğat’sez.

Dendiasnıñ Änkarağa säfäre aldınnan İstanbuldağı grek patriarxı Bartolomeos belän oçraşuı planlaştırıla.