BioNTex vakśinaları Törkiyägä kilep citte

Törkiyädä kiläse atnadan 60-65 yäş’ törkemendäge watandaşlarnı vakśinalaştıru başlana. Bu xaqta sälamätlek saqlaw ministrı Fäxretdin Koca belderde.

“Kovid-19nıñ massaküläm problema buludan tuqtawı öçen yıllar tügel, aylar qaldı. Keşelek 2020nçe yılnıñ çarasızlığın ütte, 2021nçe yıl – ömet häm ciñü yılı,”-dide ul.

Ministr Törkiyäneñ, vakśina täêminatı mäs’äläsendä çığarğa mömkin problemalarnı aldan kürep, irtäräk êşkä kereşüen assızıqladı.  “Xäzerge waqıtta qullanılğan Qıtay vakśinası Sinovaktan ayırılıp toruçı preparat BioNTexnıñ sınap qaraw öçen kiräkle berençe 5 meñ 800 dozası ilebezgä kilep ireşte. Bu ay qullanı öçen 4 million yarım doza tağın kiläçäk. Aña qadär sınawlar tögällängän bulır. Anı da isemlek buyınça qadayaçaqbız,”-dide Fäxretdin Koca.  

Ul 65 yäş’tän ölkännär häm mediśina xezmätkärlären vakśinalaştırunıñ tögällänüen äytte. Kiläse atnada alardan soñ kilüçe törkem – 60tan 65 yäş’kä qadärgelärgä qadıy başlıylar.