“Qazaqstan belän xezmättäşlekneñ nığıtıluı zarur”

Başqala Änkarada İlbaşı qolliyätendä uzğan söyläşüdä Fuat Oktay, Qazaqstan bäysezlegeneñ 13 yıllığın qotlap, ike il arasındağı säwdä êlemtäläre belän xezmättäşlekneñ nığıtıluınıñ zarurlığın äytte.

Oktay, ike il arasındağı kapital salu potenśialınıñ bik küp buluına basım yasap, ike yaqlı mänfäğätlär qısalarında saqlanu, daru, mäğ’lümat texnologiyaları häm ênergetika tarmaqlarında xezmättäşlek urnaştırıla alınaçaq ölkälär buluın citkerde.

31nçe martta ütkärelüe planlaştırılğan törki telle illär xezmättäşlek şurasınıñ (Törki Kiñäşmäneñ) strategik çatır oyışması buluın da assızıqlawçı Oktay ike il liderlarınıñ bertörkem problemalarnıñ çişeleşendä äydäp baruçı bulaçaqların belderde.

Qazaqstan Baş ministr urınbasarı häm tışqı êşlär ministrı Müxtar Tileuberdi isä Törki Kiñäşmä cıyılışında İlbaşı Räcäp Tayyip Ärdoğannıñ qatnaşaçağına bik şat buluın äytte.

Qazaqstannıñ bay cir astı çığanaqlarına, Törkiyäneñ isä texnologik asqormağa iyä buluın assızıqlawçı Tileuberdi, bu ölkälärdäge xezmättäşlekneñ arttırıluınıñ faydalı bulacağına basım yasap, Qatnaş iq’tisad komissiyasınıñ bu mäğ’nädä yaxşı platforma buluın belderde.