Törkiyä Çexiyäneñ diplomatik ofis açuına rizasızlıq belderde
Çexiyä 11nçe martta Könbatış Qudüstä Tel’-Avivtağı ilçelegenä bäyle diplomatik wäkillek açtı
Törkiyä Çexiyäneñ Qudüstä diplomatik ofis açuına borçıluın citkerde. Tışqı êşlär ministrlığı bu xaqta yazma belderü yasadı. Anda älege adımnıñ Fälästin –İzrail konfliktınıñ töp parametrlarınnan berse bulğan Qudüsneñ statusın bozarğa mataşuçılarğa yärdäm itüçe sıyfatta buluı äytelä.
Belderüdä xalıqara cämäğat’çelekneñ barlıq äğ’zaları Qudüsneñ tarixi-xoquqıy statusı belän Fälästin-İzrail mäs’äläseneñ ğadel, külämle häm daimi çişeleşe öçen kertelgän xalıqara parametrlarnı xörmät itärgä çaqırıldı.
“Çexiyäneñ xalıqara statusı BMO qararı belän täêmin itelgän Qudüstä diplomatik ofis açuın borçılıp qarşılıybız,”-diyelä Törkiyä tışqı êşlär ministrlığınıñ yazmasında.
Çexiyä 11nçe martta Könbatış Qudüstä Tel’Avivtağı ilçelegenä bäyle diplomatik wäkillek açtı.