“Xӓzerge waqıtta dönyada iň uňışlı vakśinaśiya alıp baruçı il – Törkiyӓ”
Bu xaqta ilbaşı Ärdoğan belderde
Törkiyӓ ilbaşı Rӓcӓp Tayyip Ӓrdoğan Beştepedӓ millӓt kongress hӓm mӓdӓniyӓt üzӓgendӓ Ӓnkara vilayӓteneň belem birü qorılmalarınıň kümӓk açılış tantanasında çığış yasadı.
Ul üz çığışında Kovid -19 êpidemiyӓse dӓwerendӓ belem birü tarmağında śifrlaştırunıň alğı planğa çığuın belderep, “ Ber yaqtan ottırsaq ta, ikençe yaqtan śifrlaştıruda şaqtıy alğa kittek” dide.
Ӓrdoğan: “Törkiyӓdӓ 2020 nçe yılnıň 23 nçe martında distanśion belem birügӓ küçelde. Ul könnӓn birle 180 millionğa yaqın turıdan - turı dӓres ütkӓrelde. Uquçılarıbızğa 2 million planşet tarattıq, şul isӓptӓn 667 meňe êpidemiya dӓwerendӓ”,-dide.
Törkiyӓ ilbaşı xӓzerge waqıtta dönyada iň uňışlı vakśinaśiya alıp baruçı ilneň Törkiyӓ buluın da assızıqladı hӓm ildӓ Kovid -19 dan privivka yasalğan keşe sanınıň 7 million 500 meňne uzıp kitüen belderde.
Ul :“Bez kilӓse çorda Kovid -19 oçraqlarınıň kimüenӓ bӓyle rӓweştӓ yaňa adımnar yasayaçakbız. Dӓreslӓrne mӓktӓplӓrdӓ dӓwam itterü öçen zur köç quyabız”,-dide.