İlbaşı Räğaib kiçäse belän qotladı

Törkiyädä Räcäp ayınıñ 1nçe comğa töne – Räğaib kiçäse bilgeläp ütelde. Ul, şulay uq, Ramazan ayın da üz êçenä aluçı 3 aylarnıñ başı bulıp tora.  Mäçetlärdä watandaşlar älege uñaydan namaz qıldı, doğa uqıdı. Älbättä, bolar barısı da koronavirus çaraları qısalarında sośial’ aranı saqlap häm bitleklär kiyep başqarıldı.

İlbaşı Räcäp Tayyip Ärdoğan sośial’ media akkauntlarınnan Räğaib kiçäse nisbätennän yullama yasadı.

“Millätebez häm barlıq İslam dön’yasın möbaräk öç aynıñ başlanğıçı bulğan Räğaib kiçäse belän qotlıym. Rabbım bezne häm böten keşelekne bu izge kiçä xörmätenä här törle hälakät, bäla-qazalardan saqlasın. Räğaib kiçäbez möbärak bulsın!” – dip yazdı ul.  

Törkiyä Böyek Millät Mäclese räise Mostafa Şäntop ta sośial’ media akkauntı aşa Törkiyä watandaşları häm İslam dön’yasın Räğaib kiçäse belän qotladı.