Urlanğan diňgezçelӓr Törkiyӓdӓ

Nigeriya sulıqlarında piratlar urlağan 15 törek diñgezçesen Törek hawa yulları oçqıçı belӓn Törkiyӓgӓ alıp qayttılar.

Alarnı hawa mӓydanında ğailӓlӓre belӓn bergӓ Törkiyӓ tışqı êşlӓr ministrı Mӓvlüt Çavuşoğlu da qarşı aldı.

Urlanğan diňgezçelӓrdӓn Doğan Can Cengil isӓn - saw ilgӓ qaytularına şat buluların belderep,”Bez bik awır hӓm naçar könnӓr kiçerdek. Dӓwlӓtebezneň hӓm şirkӓtebezneň yӓrdӓmen hӓrwaqıt sizdek” dide.

İsegezgӓ töşerӓbez: Angliyädä urnaşqan “Borealis” şirkäteneñ “Mośart” isemle korabı 23 nçe ğıynwarda Nigeriyäneñ Lagos şähärennän Kön’yaq Afrikanıñ Keyptaun şähärenä barğanda piratlar qulına töşkӓn, 19 keşelek êkipajdan 15 diñgezçene urlağannar, Azӓrbaycan watandaşı bulğan 1 keşe üterelgӓn ide.

Höcümnӓn isӓn saw qotılğan 3 diňgezçe  Gabonnıň Port-Gentil portına kilgӓn hӓm alar  30 nçı ğıynwarda Törkiyӓgӓ kiterelgӓn ide.

Urlanğan 15 diňgezçe isӓ uzğan kön irekkӓ cibӓrelde.