Niderlandtağı koronaviruslı törekne ilenä cibärdelär
Amsterdam xastaxanäse anı däwalawdan baş tarta
1581710
Niderlandta koronavirustan däwalanuı tuqtatıluçı Törkiyä watandaşı Sälaxetdin Kandaznı sälamätlek saqlaw ministrlığınıñ aşığıç yärdäm oçqıçı belän ilgä alıp qayttılar. Ul Amsterdamdağı xastaxanädä reanimaśiyädä yata. Tabiblar Kandaznı däwalawdan tuqtarğa teli, ämma ğailäse monıñ belän rizalaşmıy. Näticädä, awıru Amsterdam aêroportınnan Änkarağa cibärelde. Kandaznı däwalaw Törkiyä başqalasında däwam itäçäk.
Tışqı êşlär ministrı urınbasarı Yavuz Sälim Kıran şäxsi Twitter akkauntında bu xaqta belderü yasadı. “Dön’yanıñ qay töşendä bulsa da, watandaşıbıznıñ yanında bulaçaqbız,”-dip yazdı ul.