" İlbezne dönyadağı 10 êre iq’tisadnıň berse itӓr öçen tırışabız"

Törkiyӓ ilbaşı Rӓcӓp Tayyip Ӓrdoğan Malatya belӓn Sivas arasındağı Karakaya böyӓ külendӓ tözelgӓn 517,5 metr  ozınlığındağı Tohma küperen açu tantanasına turıdan - turı êfirda qatnaştı.

Ul biredӓ yasağan çığışında tübӓndӓgelӓrne citkerde: “18 yıl dӓwamında xalqıbıznıň yaqlawı belӓn hӓr tarmaqta Törkiyӓneň yözen üzgӓrttek. Bügenge köndӓ Törkiyӓ – global’ dӓrӓcӓdӓge mega -proyektlarnıň yartısınnan kübrӓgen berüze genӓ başqaruçı il. İlbezne dönyadağı 10 êre iq’tisadnıň berse itӓr öçen tağın da zurraq proyektlarğa , tağın da zurraq investiśiyӓlӓrgӓ yünӓldek”.

Kovid -19 êpidemyӓse alğa kitkӓn illӓrne dӓ qaqşatqanda Törkiyӓneň êkspotta ber-ber artlı rekordlar quyuın beldergӓn Ӓrdoğan süzlӓren bolay dip dӓwam itte:”Pandemiya  dӓwerendӓ barlıq illӓr sӓlӓmӓtlek saqlaw oyışmalarınıň işeklӓren üz watandaşlaına yapqanda bez özleksez rӓweştӓ mediśina xezmӓte kürsӓtüne dӓwam itterdek. Bu köçle asqorma hӓm sistemabız nӓticӓsendӓ mömkin buldı. Köçle texnologik asqorma nӓticӓsendӓ ildӓ belem birü dӓwam itӓ. Sӓwdӓ çiklӓngӓn qayber tarmaqlardan tış êşlӓwen dӓwam itӓ hӓm yaňa iniśiativalarğa yünӓlӓ ikӓn bu bez buldığan köçle asqorma yӓrdӓmendӓ tormışqa aşa”.