Törkiyä xalqı 83,6 millionnan arttı

Törkiyäneñ xalqı 2020nçe yılda 459 meñ 365 keşegä arttı. Xäzer ildä 83 million 614 meñ 362 watandaş terkälgän. Şulardan 41 million 915 meñ 985e– ir-at, 41 million 698 meñ 377se isä xatın-qız. Şulay itep, ir-atlar güzäl zatlardan beraz kübräk, alar böten xalıqnıñ 50,1%ın täşkil itä. Xatın-qızlar – 49,9%.

Törkiyäneñ iñ zur häm iñ küp keşele şähäre İstanbulda xalıq azayğan - uzğan yılğıdan 56 meñ 815 keşegä kimräk. Xäzer qalada 15 million 462 meñ 452 watandaş isäplänä. Bu il xalqınıñ 18,49%ı.

İstanbuldan soñ 5 million 663 meñ 322 keşe belän Änkara kilä. İzmirdä 4 million 394 meñ 694 keşe terkälgän. Bursanıñ xalqı – 3 million 101 meñ 833. Antaliyada isä 2 million 548 meñ 308 keşe yäşi.