"Awrupa Berlege süzendä tormadı"
Törkiyä ilbaşı İstanbulda jurnalistlarğa açıqlaw yasadı
Kiçä vakŝina yasatuın äytkän Räcäp Tayyip Ärdoğan 28 könnän soñ ikençe dozanıñ yasalaçağın belderde.
Ärdoğan Törkiyä-Awrupa Berlege mönäsäbätlärenä dä tuqtalıp: “1963 yıldan birle bez Awrupa Berlege belän mönäsäbätlärebezne härwaqıt yaxşı totarğa tırışabız. Qızğanıç, berlek bezgä birgän süzendä tormadı. Xäzer isä yaña barışqa kerdek. İke yaqlı söyläşülärebez tığız räweştä däwam itä,” - dide.
İlbaşı Törkiyäneñ Rusiyädän S-400 hawa saqlanu sistemaların täêmin itüe arqasında Amerika Quşma Ştatlarınıñ tınıçsız buluın äytep tübändägeçä däwam itte: “Bezneñ saqlanu sänägätendäge adımnarıbıznı ber il dä bilgeli almaz. Bu bezneñ qarar. Ay azağında Rusiyä belän söyläşülär uzaçaq. Törkiyä F-35 xärbi oçqıçlarınıñ aqçasın tüläde, läkin AQŞ alarnı haman tapşırmadı. AQŞ berlektäş il bularaq xata yasadı. Yaña ilbaşı Djo Bayden tağın da uñay adımnar yasar dip ömetlänäm.”