“İlebez 2023 nçe yıl maqsatlarına ireşkӓnçe tuqtap toru xӓrӓmder”
Bu xaqta ilbaşı Ärdoğan belderde
Törkiyӓ ilbaşı ,”Ğadӓlӓt hӓm qalqınu” patiyӓse ğomum başlığı Rӓcӓp Tayyip Ӓrdoğan partiyseneň Kırşehir, Kırıkkale, Yozgat, Sivasta uzğan çirattağı 7 nçe kongresslarına ilbaşı idarӓsennӓn turıdan - turı êfirda qatnaştı.
Ul üz çığışında Kovid -19 êpidemiyӓse arqasında tuqtap torğan kongresslarnıň bügen qabat başlanuın, 2023 nçe yılğı saylawlarda parlamentta da küpçelek belӓn wӓkillek itelӓçӓklӓren, ilbaşı saylawında qabat ciňügӓ ireşӓçӓklӓren ӓytep uzdı.
Ӓrdoğan:” İlebez 2023 nçe yıl ( Cömhüriyӓt tözelüneň 100 yıllığı) maqsatlarına tulısınça ireşkӓnçe bezgӓ tuqtap toru, buşqa waqıt uzdıru xӓrӓmder. Terror oyışmalarınıň yawızlıqları da, bezgӓ höcüm itüçelӓrneň uyınnarı da, qarşıbızdağı tozaqlar da bezne alcıtmıy.Bez alarnıň barısın da ciňdek. Ciňӓçӓkbez”,- dide.
