Törkiyä aêroportları 80 millionnan artıq keşegä xezmät kürsätte

Törkiyä külämendä aêroportlarda 2020nçe yılda xezmät kürsätelgän tulayım yulçı sanı 81 million 657 meñ 70 bularaq terkälde

Transport häm infrastruktura ministrlığı Däwlät aêroportlar idaräse uzğan yılnıñ dekabr’ ayındağı oçqıç, yulçı häm yök statistikaların açıqladı.  

Aña qarağanda, Törkiyädä xezmät kürsätüçe hawa portları aşa älege ayda êçke reyslarda 2 million 956 meñ 528, xalıqara reyslarda 1 million 924 meñ 772 keşe uzğan. Şulay itep dekabr’dä tranzitlar belän bergä tulayım yulçı sanı 4 million 883 meñ yarımnan artıq bulğan.

Aêroportlarğa töşep utırğan häm kütärelep kitkän oçqıç sanı isä êçke reyslarda – 41 meñ 979, xalıqara säfärlärdä 19 meñ 955 bularaq terkälde.